قصيدة يابعد عمره

(( يا بعد عمره ))





سافري خلي حبيبك تحرقه جمرة هيامه



اتركيه يعيش في عـالـم أمانيه الكريمة




سافري جعلك تروحين وتجينه بالسلامه



بس أمانه ضمدي جرح المعاناة الأليمه




بلغـيه أن المسافة ما تبعـد عن غرامه



طمنيه أن الهوى تحضنه كفوف رحيمه




يا بعد عمره ترى حبك سرق لـذة منامه



وأستقر فداخل الأعماق والروح السقيمه




طيـفك بـوادي المحبة والـغلا بنـى خيامه



وصورتك ما بين جفنه والهدب دايم مقيمه




أن نثـر نزف الـمـشاعـر غنت فقلبه حمامه



وأن كتب بوح الخواطر أمطرت فالروح غيمه




اللـيـالي ما ثنـت عـزمه ولا هـدت مـرامـه



ما جرف سيل المصاعب صخرة النفس العظيمه




ما دخل قلبه تخاذل والأمل شاهر حسامه



والله ليلحق أعاصير الفشل أفظع هزيمه




يستميت وحبك الطاهر على الخطر وسامه



يوقف بوجه الحواجز حتى لو حظه غريمه




ما حزنه جور الظروف ولا شغلت أدنى أهتمامه



يـنتـشي كـل ما تـذكر لهـفة الوصل ونعـيمـه




وده يـصرح بحبك فالـقـصيد وفي كلامه



لكن يخاف الهوى يصبح فريسة للنميمه




في ضميره سره مخبئ وفي وجهه علامه



تنعرف للي اكتوى من لفحة الحب وجحيمه




أن تكلـم تمـطر الأفـواه شـرهات ومـلامـه



وأن سكت يصبح سكوته عن أحاسيسه جريمه





وســلامــتــكــم





@@@@@@@@@@@@@@

صــح لسانك ولاهنتـ

[img][/img] صح لسانك