ياهمي تكفئ

السلام عليكم ورحمه الله وبركاته

انا مبطي مانزلت قصيدهـ وان شاء الله ينال اعجابكم باالقصيدهـ


وأقــول فـيــهـا ..

الهم زاد بخفوقي وساءت احوالي
ماغير افكر بنفسي وين اوديهـا
ياهمي تكفى طلبتك دور ابـدالي
مافيني يكفيني ونفسي بسليهـا
صاحي وافكر واحسب حساب عذالي
والمرجله يشهد الله اني ناصيهـا
صحيح عاطل ولكم مضرب امثالي
واعرف مواجيبي ودايم أبديهـا
الحلم لابد يتحقق ولو طـالي
والقمه اللي برأسي جيت راقيهـا
الرزق من خالقي والحظ قفالي
ماني بقانط من الرحمه وداعيهـا
يالله تصلح اموري أول وتالي
ويالله تستر عليٌه من تواليهـا
النوم جافيني له ايام وليالي
والدنيا مدري متى تأتي بلاويها
أيام عمري مابين المر والحالي
والقسمه اللي من الله دوم راضيها
آقف مع الناس ولاني قاطع وصالي
وافي مع الكل ونفسي ماأعليها
ومدام جاء للوفاء ذكرن ومدخالي
ماأنسى ابوي ومواقف له مااحصيها
ولاني بناسي من اللي قدرها عالي
أمي غلاها كبير الله يخليهـا
يمه أحبك وحبك مابه اقوالي
لك منزله داخلي مااحدن يجي فيها
يالله ياعالمن بالغيب يالوالي
تحفظ لنا الغاليه يارب تحميها
ولاني بناسي خواني غالي وغالي
قدر ومعزه لهم ماني بمخفيها
لهم بوسط الضلوع الطيب منزالي
وكلن ترى منهم الطيبه يسويها
ولاني بناسي قرابن دوم في بالي
النفس من شانهم تعلن امانيهـا
انا تراني معاكم خاطري سالي
وهموم عز الله اني ماني مطريها
والقلب ينبض بخوة ربعن رجالي
رجالن ارواحهم بالدم ابفديهـا
ولو قلت كل القوافي فيهم اقلالي
وأفعالهم كايده ماني بموفيهـا
وهذا زمان(ن) تزايد في الانذالي
كلن ورى المصلحه نفسه مسريها
الرجل قبل المره بالقيل والقالي
الا رجال(ن) بكل الخير نجزيها
ماهو كلام وشهادة قافي افعالي
وكل حاجتن بالوقت تظهر معانيها
ختامها هذي ابيات(ن) لي جزالي
وصلاة ربي لخير الخلق وهاديها

وسلامتكمـ وآسف على الاطالهـ
واتمنى أسمع آرائكم

قصيده جميله ويسلمووو

مــشــكــوووور على الكلماتـ الرأأأأئعهـ,,,

صح لسّانّك ومَا قِصرتُ على القَصٍيُدَهُ